puple & white arrange for birhday given

Iris nampan

Iris ngu mying ai ndai nampan hpe mung anhte myen mung kaw gaw hpa akyu nrawng ai akyu nchye ja shawn ai sha majoi nampan pu langai hku na  yu shalai kau ai hku re  ndai kaw gaw grai manu hpu ai hte bai mari la yang she mau mat  ai hku re . ndai kaw gaw ding htan mi kaw shi sha rawng ai  malay Rm 25 hte mari la ra ai hku re dai pyi gaw ayen na nmai lu ai hku re nampan ni manu lung ai shata mung nga ai hku re . myen gumhpaw hte bai sawn dat yang gaw manu mana hpu hpu lu ai hku re . rai tim an hte buga  kaw gaw law ai majaw mung manu chye shadan ai ni mung nau re nnga shi ai majaw rai na re ngu hkam la ai hku re . ndai kaw gaw dai hpe gam kaja ai masa hku nna manaw manang ni tinang hte seng ang ai ni hpe jaw chye ma ai . bai nna colour ni mung madu ra ai hpe mai lata ai hku re .

magnonia nampan a lam

ndai nam pan gaw kasi ai shara kaw sha law malawng mu lu ai hku re ndai nampan  law malawng colour ni gaw myen mung kaw rai yang gaw puple colour hte white colour sha mu ga ai hku re dai pyi gaw kasi ai shara kaw sha mu ga ai hku re . ya ndai sumla kaw gaw madu ra ai colour ni hkum hkra mai lata lang ai hku mu lu ai . ndai hpe gaw kasi ai mungdan langai rai nga ai Holland mungdan kaw na law malawng htet lang ra ai hku re grai ma tsawm myit hpe mung gang shangun ai ndai nampan hpe mung an hte ni kasi ai ga hkan hkai shajang nna an hte mungdan kaw mung lani mi hta mawn sumli hpe chye hkam sha ai ni law law pru wa hkra an hte shakut nga ga ngu ndai hte mi sumla ni hpe tam shalun dat nngai law . chyechyu kaba sai .

Main table mawn sumli

 ndai gaw main center kaw na  hkumran ai dum nta la hkawng  maga na mayu dama ni dung sha ai main table kaw na mawn sumli hkrang langai re .

 ndai gaw main table kaw na mawn sumli tawn ai sumla re . ndai main kaw mung candle sha lawm dat ai shaloi mung grai yu hkuk mat ai dai majaw candle hpe mung lang ra nga ai . candal a lachyum gaw an hte yang chye na sai ngu hpe ma kam ai .ngwi pyaw ai  ntoi hpe jaw ya ai lachyum rai nga ai .

peony bridle bouquets

 ndai nampan a shaga mying gaw (peony ) nga re ndai hpe e holland kaw na sa ai nampan re . miwa (china ) kaw na sa ai rai jang gaw ndai ram ntsawma  ai hku re . miwa kaw na gaw nampan kaji la ai dai majaw num nnan hpai na nampan hpe galaw yang gaw holland kaw na rai yang grau kaja ai hku re . miwa kaw na gaw lawan pu lawan nna nau nhkam ai hku re . holland kaw rai yang gaw kaba bawk bawk rai nnan grai myit gang sha ngun ai hku re . ndai nampan hpe e madu ra ai colour mai lata lang ai hku re . sumla ni grai nau tam madun mat wa na .ya ndai gaw chyim yu ai hku na sumla 3 sha naw shakun dat ya ai yawng kabu ngwi pyaw nga mu ga. chyechyu kaba sai .

colour lili ( nai pan mawn sumli ai lam)

ndai gaw nai pan hpe e galaw mawn sha tsawm tawn ai . nai pan mawn sumli ni kaw na langai mi re . manaw manang ni hpe sumla ni law law gaw bang dat ya mayu ai rai tim mung ngai gaw gara hku galaw bang na re nchye  shi ai majaw ngai dang di ai daram sha sumla nkau mi mara dat nngai law . ndai nai pan gaw poi lamang a myu myu kaw tinnang ra ai hku mai mawn sumli ai hku re nai pan gaw yawng mung mu mada loi ai le ndai hpe lang na nga yang gaw sumla gayet timung sumla ni hpe grai yu hkuk manu tsawm sha ngun ai hku re .

Ribon hte mawn sumli ai hkumran mawdaw

manam hkalum mawn sumli

 ndai gaw shawa masha ni hpe e poi lamang nga ai shara madun dan ai kaw na  hkyen hte mawn shatsawm tawn ai re.

 ndai gaw manam ni dung ai shat sha punghkum kaw na sumla re .

 ndai gaw manam ni shang wa ai chyinghka lam kaw na manam ka matsing la ai shara kaw na mawn sumli tawn ai shara langai re.

wa madai pan ( orchid)

wa madai pan hpe mung ndai zawn mawn sumli ai rai yang grai tsawm ai hku re .ndai gaw(  trangle  ) mawn sumli hkrang langai mi rai nga ai . an hte buga kaw gaw ndai nampan ni ndai zawn hkrang mu lu na matu mung yak na re ngu kam ai hpa wa mi rai tim an hte buga kaw nga ai nampan ni hpe mung ndai zawn byin hkra mawn sumli jai lang chye wa hkra gaw nang ngai yang shakut ra na re ngu hpe kam ai law . ndai gaw law malawng shangai nhtoi zawn re . shagrau ai zawn re ni hkan manaw manang ni hpe jaw chye ma ai hku re . 

ndai kaw gaw nampan hpe grai ma manu shadan ai hku re . manu shadan chye yang she hpa rai tim mung manu rawng na rai nga ai hku re ngu hpe mung kam let manu shadan chye ra nga ai. an hte buga kaw mung manu nrawng ai ngu ai shadu tawn ai lam maw na tsing ni pyi gaw lani mi gaw manu dan ai nampan byin wa na re ngu hpe ma kam ai hku re . ndai maigan ga kaw gaw tsing du hkra tim mari la ra ai  tsing galu la ngai  mi hpe malaysia gumhpaw 1:50 sen jaw nna mari la ra ai hku re .an hte buga kaw gaw dam ai majaw hpa mung manu nshadan ai nga kalang lang gaw myit ai rai tim mung alaw alam htap hkuk ai hku law law mawn shatsawm wa na nga jang gaw mi shingran hta byin ai ni gaw kaja wa byin wa na re ngu kam ai . dai majaw an hte wunpawng sha yawng shakut ga.tinang du ai shara mi hta a laga nnga kau ga . hpaji ni law law tam la ga . an hte wunpawng mung dan ngu ai byin wa ai shani gaw nchye nchyang shi ai an hte sai daw sai chyen ni hpe pawn ba na matu jin jin byin nga hkra shakut ga . chyechyu kaba sai .